Plantun de Prouvènço

Pèr coumpara dos planto d'encò nostre

Malus sylvestris & Myagrum perfoliatum

Poumié-bouissaren

Malus sylvestris

Rosaceae

Àutri noum : Poumié-fèr, Poumastre.

Noms en français : Pommier sauvage, Boquettier.

Descripcioun :
Lou poumié-bouissaren es un aubre à port redoun que trachis dins li bos fres. Se recounèis à si petalo blanco tenchado de roso dessouto, sis antèro jaunasso, si fueio fino, larjo e dentado (emé 3 à 7 paréu de nèrvi - 7 à 15 pèr li perié) à sa rusclo mai lisco e subretout à si poumo sènso granelage peirous.

Usanço :
Sèr souvèn pèr èstre ensarta emé de poumié doumesti. Li poumo bouissarenco podon èstre acampado pèr la counfituro e la jalarèio ; li flour soun manjadisso (dins l'ensalado) e bono contro lou tussi. Li pèu di poumo e li fueio soun diuretico, tounico e bono contro lou mau d'os.

Port : Aubre
Taio : 3 à 15 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Malus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 3 cm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Abriéu à jun

Liò : Bos fres - Baragno - Bartas
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Malus sylvestris Mill., 1768

Lasseno

Myagrum perfoliatum

Brassicaceae Cruciferae

Nom en français : Myagre perfolié.

Descripcioun :
La lasseno es uno planto que nous vèn d'Asìo (S-O) desempièi li siècle XVI e XVIIen, e que trachis dins li culturo. Aro èi proun en regressioun emé l'agriculturo mouderno. Se pòu pamens trouba encaro dins li relarg tradiciounau. A uno taio chanchadisso, se recounèis à si fueio qu'embrasson la cambo e subretout à si fru que dounon d'èr à-n-uno mitro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60(90) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Myagrum
Famiho : Brassicaceae
Famiho classico : Cruciferae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran à Coulinen
Couroulougi : Pancaro entresigna
Ref. sc. : Myagrum perfoliatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Malus sylvestris & Myagrum perfoliatum

Coumpara Poumié-bouissaren emé uno autro planto

Coumpara Lasseno emé uno autro planto